Woh Subah Kabhi To Aayegi

Lyricist - Anand Bakshi | Singer - Mukesh | Music Director - Daan Singh | Movie - My Love | Year - 1970

View in native script

---

Wo subah kabhi to ayegi, wo subah kabhi to aegi
In kaali sadiyon ke sar se, jab raat ka anchal dhalakega
Jab duhkh ke baadal pighalenge, jab sukh ka saagar chhalakega
Jab anbar jhum ke naachega, jab dharati nagmen gaaegi
Wo subah kabhi to aegi
Jis subah ki khaatir jug jug se, ham sab mar mar kar jite hain
Jis subah ke amrit ki dhun men ham jahar ke pyaale pite hain
In bhukhi pyaasi ruhon par ek din to karam faramaaegi
Wo subah kabhi to aegi
Maana ke abhi tere mere aramaanon ki qimat kuchh bhi nahin
Mitti ka bhi hai kuchh mol magar, insaanon ki qimat kuchh bhi nahin
Insaanon ki ijjt jab jhuthhe sikkon men na toli jaaegi
Wo subah kabhi to aegi