Rama Rama Ratate Ratate

Lyricist - Mata Shabari | Singer - Common People | Music Director - | Movie - | Year - 1972

View in native script

---

rama rama ratate ratate,
beeti re umariya .
raghukul nandan kab aaoge,
bhilni kii dagariyaa .

main shabari bhilani kii jaai,
bhajan bhav naa jaanu re .
ram tere darshan ke hit,
van main jivan paaluun re .
charankmal se nirmal kar do,
daasi kii jhopadiya .
. rama rama ratate ratate...

roj savere van main jaakar,
fal main chun-chun laauungi .
apane prabhu ke sanmukh rakh ke,
prem se bhoga lagaaoongi .
mithe mithe beron kii main,
bhar laai chhabariyaa .
. rama rama ratate ratate...

shyaam saloni mohini murat,
nainon bich basaaungi .
subah shaam nit uthakar main to,
tera dhyaan lagaaoongi .
pad pankaj kii raj dhar mastak,
jivan safal banaaungi .
ab kya prabhu ji bhul gaye ho,
daasi kii dagariyaa .
. rama rama ratate ratate...

nath tere darshan kii pyaasi,
main ablaa ek nari hoon .
darshan bin dou naina tarasein,
sunalo bahut dukhaari hoon .
hari rup main darshan de do,
daalo ek najariya .
. rama rama ratate ratate...

rama rama ratate ratate,
beeti re umariya .
raghukul nandan kab aaoge,
bhilni kii dagariyaa .