Solah Baras Ki Bali Umar Ko

Lyricist - Anand Bakshi | Singer - Lata Mangeshkar - Anup Jalota | Music Director - Laxmikant Pyarelal | Movie - Ek Duje Ke Liye | Year - 1981

View in native script

---

Koshish kar ke dekh le, dariya saare, nadiya saari
Dil ki lagi nahin bujhati, bujhati har chingaari
Solah baras ki baali umr ko salaam
Ai pyaar teri, pahali nazar ko salaam
Duniya men sab se pahale jisane ye dil diya
Duniya ke sab se pahale dilabar ko salaam
Dilase nikalane waale raste ka shukriya
Dil tak pahunchani waali dagar ko salaam
Jis men jawaan hokar badanaam ham hue
Us shahar, us gali, us ghar ko salaam
Jisane hame milaaya, jisane juda kiya
Us wakt, us ghadi, us gajar ko salaam
Milate rahen yahaan ham, ye hai yahaan likha
Is likhaawat ki zer-o-zabar ko salaam
Saahil ki ret par yun lahara uthha ye dil
Saagar men uthhanewaali har lahar ko salaam
In mast gahari-gahari ankhon ki jhil men
Jisane hamen duboya us bhnwar ko salaam
Ghunghat ko tod kar jo sar se sarak gi
Aisi nigodi dhaani chunar ko salaam
Ulfat ke dushmanon ne koshish hazaar ki
Fir bhi nahin jhuki jo, us nazar ko salaam