Sambhal Ae Dil

Lyricist - Sahir Ludhianvi | Singer - Asha Bhosle - Mohammad Rafi | Music Director - N.Dutta | Movie - Sadhna | Year - 1958

View in native script

---

Snbhal ai dil, tadapane aur tadapaane se kya hoga?
Jahaan basana nahin mumakin wahaan jaane se kya hoga ?
Chale ao ki ab munh fer ke jaane se kya hoga?
Jo tum par mit chuka us dil ko tarasaane se kya hoga?
Hamen snsaar men apana banaana kaun chaahega?
Ye masale ful sejon par sajaana kaun chaahega?
Tamannaaon ke jhuthhe khwaab dikhalaane se kya hoga?
Tumhen dekha, tumhen chaaha, tumhen puja hai is dil ne
Jo sach puchho to pahali baar kuchh maanga hai is dil ne
Samajhate bujhate anajaan ban jaane se kya hoga?
Jinhen milati hain khushiyaan wo mukaddar aur hote hain
Jo dil men ghar banaate hai wo dilabar aur hote hain
Ummidon ko khilaune deke bahalaane se kya hoga?
Bahot din se thi dil men ab jabaan tak baat pahunchi hai
Wahin tak isako rahane do jahaan tak baat pahunchi hai
Jo dil ki akhiri had hai wahaan tak baat pahunchi hai
Jise khona yaqini hai use paane se kya hoga?