Dil Ke Jharoke Mein

Lyricist - Hasrat Jaipuri | Singer - Mohammad Rafi | Music Director - Shankar Jaikishan | Movie - Bramhachari | Year - 1968

View in native script

---

Dil ke jharokhe men tujh ko bithhaakar
Yaadon ko teri main dulhan banaakar
Rakhunga main dil ke paas, mat ho meri jaan udaas
Kal tere jalawe paraae bhi honge
Lekin jhalak mere khwaabon men hogi
Fulon ki doli men hogi tu rukhasat
Lekin mahak mere saanson men hogi
Ab bhi tere surkh hothhon ke pyaale
Mere tasawwur men saaqi bane hain
Ab bhi teri zulf ke mast saaye
Biraha ki dhup men saathi bane hain
Meri mohabbat ko thhukara de chaahe
Main koi tujhase na shikawa karunga
Ankhon men rahati hai taswir teri
Saari umar teri puja karunga