main pal do pal kaa shaayar huun main har ek pal kaa

Lyricist - Anand Bakshi | Singer - Lata Mangeshkar, Kishore Kumar | Music Director - R D Burman | Movie - Aap Ki Kasam | Year - 1974

View in native script

---

mai.n pal do pal kaa shaayar huu.N
pal do pal merii kahaanii hai
pal do pal merii hastii hai
pal do pal merii javaanii hai
mai.n pal do pal kaa shaayar huu.N ...

mujhase pahale kitane shaayar
aae aur aakar chale gae
kuchh aahe.n bhar kar lauT gae
kuchh naGame gaakar chale gae
vo bhii ek pal kaa kissaa thaa
mai.n bhii ek pal kaa kissaa huu.N
kal tumase judaa ho jaauu.Ngaa
vo aaj tumhaaraa hissaa huu.N
mai.n pal do pal kaa shaayar huu.N ...

kal aur aae.nge naGamo.n kii
khilatii kaliyaa.N chunane vaale
mujhase behatar kahane vaale
tumase behatar sunane vaale
kal koii mujhako yaad kare
kyuu.N koii mujhako yaad kare
masaruuf zamaanaa mere liye
kyuu.N vaqt apanaa barabaad kare
mai.n pal do pal kaa shaayar huu.N ...