Kya Miliye Aise Logo Se

Lyricist - Sahir Ludhianvi | Singer - Mohammad Rafi | Music Director - Laxmikant Pyarelal | Movie - Izzat | Year - 1968

View in native script

---

Kya miliye aise logon se jinaki fitarat chhupi rahe
Nakali chehara saamane ae, asali surat chhupi rahe
Khud se bhi jo khud ko chhupaae kya unase pahachaan kare
Kya unake daaman se lipaten, kya unaka aramaan kare
Jinaki adhi niyat ubhare, adhi niyat chhupi rahe
Nakali chehara saamane ae, asali surat chhupi rahe
Diladaari ka dhong rachaakar jaal bichhaaye baaton ka
Jite ji ka rishta kahakar sukh dhundhe kuchh raaton ka
Ruh ki hasarat lab par aye, jism ki hasarat chhupi rahe
Nakali chehara saamane ae, asali surat chhupi rahe
Jinake julm se dukhi hai janata, har basti aur gaanw men
Daya-dharam ki baat karen wo baithh ke saji sabhaaon men
Daan ka charcha ghar ghar pahunche, lut ki daulat chhupi rahe
Nakali chehara saamane ae, asali surat chhupi rahe
Dekhen in nakali cheharon ki kab tak jayajayakaar chale
Ujale kapadon ki tah men kab tak kaala snsaar chale
Kab tak logon ki najaron se chhupi hakikat chhupi rahe
Nakali chehara saamane ae, asali surat chhupi rahe