Humne Dekhi Hai Un Aakhon Ki

Lyricist - Gulzar | Singer - Lata Mangeshkar | Music Director - Hemant Kumar | Movie - Khamoshi | Year - 1969

View in native script

---

Hamane dekhi hai un ankhon ki mahakati khushabu
Haath se chhu ke ise rishton ka ilzaam na do
Sirf ehasaas hai ye ruh se mahasus karo
Pyaar ko pyaar hi rahane do koi naam na do

Pyaar koi bol nahin, pyaar awaaj nahin
Ek khaamoshi hai sunati hai kaha karati hai
N ye bujhati hai, n rukati hai, n thhahari hai kahin
Nur ki bund hai, sadiyon se baha karati hai
Muskaraahat si khili rahati hai ankhon men kahin
Aur palakon pe ujaale se jhuke rahate hain
Honthh kuchh kahate nahin, kaanpate honthhon pe magar
Kitane khaamosh se afasaane ruke rahate hain